PxWeb konferenca ndërkombëtare

Dje dhe sot (7-8 nëntor) në Shkup mbahet Konferenca e 33-të Ndërkombëtare Vjetore për përdoruesit e PxWeb dhe Px-tools tjera. Enti Shtetëror i Statistikës është bashkë mikpritës i ngjarjes, së bashku me Statistikat e Suedisë, dhe drejtorin e Entit, z. Dejan Stankov.

Konferenca është një ngjarje hibride me pjesëmarrjen e më shumë se 130 delegatëve nga vende të ndryshme.

PxWeb është mjet shpërndarës për shpërndarjen e statistikave në internet. Ai u zhvillua nga Statistikat e Suedisë dhe Statistikat e Norvegjisë me mbështetjen e Finlandës dhe Danimarkës. Përdoret në më shumë se 40 vende dhe më shumë se 100 organizata. Një nga pikat e forta të PxWeb është se ai është i orientuar nga përdoruesi dhe ofron interfejs të këndshëm dhe të lehtë për shfaqjen e statistikave në internet.

Enti Shtetëror i Statistikës është ndër pionierët në përdorimin e këtij mjeti duke paraqitur tabelat në bazën e të dhënave MakStat. Enti vazhdimisht i ndjek, i pranon dhe aplikon të gjitha përmirësimet dhe avancimet e PxWeb dhe mjeteve të tjera Px, duke mundësuar kështu disponueshmërinë e gjerë të të gjitha të dhënave statistikore të prodhuara nga Enti dhe përdorimin e tyre të lehtë.