Државен завод за СТАТИСТИКА
Новости

Нова електронска услуга: Образецот ВОИ.20 достапен на Националниот портал за е-услуги

Официјално претставена најновата електронска услуга на Националниот портал за е-услуги – образец за запишани студенти на додипломски студии (прв циклус) на факултетите и високите стручни школи

Денеска, Државниот завод за статистика, во соработка со Министерството за дигитална трансформација, официјално ја претстави најновата електронска услуга достапна на Националниот портал за е-услуги – образецот за запишани студенти на додипломски студии (прв циклус) на факултетите и високите стручни школи (ВОИ.20). 

Со ова се овозможува поедноставно пополнување на статистичките обрасци, се зголемува ефикасноста на статистичките процеси, а податоците се добиваат навремено, со висок квалитет и со пониски трошоци и за Заводот и за студентите. 

Воведувањето на овој електронски образец претставува важен чекор во процесот на дигиталната трансформација и поставување нови стандарди за тоа како може да им служи статистиката на граѓаните, студентите, институциите и на општеството.

Фото галерија

Поврзани вести и соопштенија

Потпишан Меморандум за соработка помеѓу Државниот завод за статистика и Комората на сметководители

Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа. 

17 јан. 2025

Државниот завод за статистика и Министерството за енергетика, рударство и минерални суровини потпишаа Меморандум за соработка

Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.

15 јан. 2025

Состанок со Активноста на УСАИД Партнерства за економски раст

На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.

30 дек. 2024