Посета на директорката на Статистика Шведска на Државниот завод за статистика
На 27.11.2025 година, Државниот завод за статистика (Статистика) беше домаќин на директорката на Статистика Шведска, Ева-Ло Игхе, чија посета претставува значаен момент во унапредувањето на долгогодишната соработка помеѓу двете институции
На 27.11.2025 година, Државниот завод за статистика (Статистика) беше домаќин на директорката на Статистика Шведска, Ева-Ло Игхе, чија посета претставува значаен момент во унапредувањето на долгогодишната соработка помеѓу двете институции. Во рамки на средбите што се одржаа во ДЗС, се дискутираше за досегашните заеднички активности, тековниот билатерален проект, како и за можностите за продлабочување на партнерството во иднина.
Директорот на Државниот завод за статистика, д-р Дејан Станков, истакна дека институцијата високо ја цени поддршката што ја добива од Статистика Шведска, како и професионалниот и структуриран пристап што се применува во рамките на тековниот проект. Тој нагласи дека особена вредност на оваа соработка е фактот што македонските статистичари, со поддршка од колегите од Статистика Шведска, самостојно учат, развиваат нови знаења и вештини и активно придонесуваат кон исполнување на проектните цели.
Посетата претставува дополнителен поттик за продолжување на успешната соработка и заедничкиот ангажман во подобрување на статистичките процеси, усогласување со европските стандарди и понатамошно јакнење на капацитетите на Државниот завод за статистика.
Фото галерија
Поврзани вести и соопштенија
Состанок на Државниот завод за статистика со Институтот за економски истражувања и политики Finance Think
Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.
24 фев. 2025
Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
21 фев. 2025
Средба на директорот на Државниот завод за статистика со постојаната координаторка на Обединетите нации
Главниот фокус на средбата беа Целите за одржлив развој и улогата што ја има во оваа област во државата Заводот за статистика
20 фев. 2025
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025