Потпишан Договор за размена на податоци
Како резултат на долгогодишната успешна соработка, денес, директорите на Државниот завод за статистика, д-р Дејан Станков, и на Управата за јавни приходи, м-р Елена Петрова, потпишаа Договор за размена на податоци меѓу двете институции.
Потпишувањето на овој Договор е во насока на постигнување висок квалитет и конзистентност на официјалните статистички податоци и намалување на оптовареноста на давателите на податоци, што е во согласност со приоритетите на двете иституции, но и во согласност со одредбите на Законот за државната статистика.
Со Договорот се прецизираат видот на податоците што ќе се разменуваат, начинот и периодиката на размена и одговорностите на двете институции во однос на заштитата на податоците.
Размената на податоци со Управата за јавни приходи претставува уште еден доказ за посветеноста на Државниот завод за статистика кон заложбите за максимално користење на административните податоци во државата за статистички цели.
Фото галерија
Поврзани вести и соопштенија
Состанок на Државниот завод за статистика со Институтот за економски истражувања и политики Finance Think
Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.
24 фев. 2025
Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
21 фев. 2025
Средба на директорот на Државниот завод за статистика со постојаната координаторка на Обединетите нации
Главниот фокус на средбата беа Целите за одржлив развој и улогата што ја има во оваа област во државата Заводот за статистика
20 фев. 2025
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025