Промовирани нови е-услуги за високо образование на Националниот портал е-Услуги

Денес, Државниот завод за статистика во соработка со Министерството за дигитална трансформација ги промовира трите нови електронски услуги што се достапни на Националниот портал за е-Услуги – uslugi.gov.mk, во областа Високо образование.
Станува збор за следните услуги:

• Образец за дипломирани студенти на додипломски студии на факултетите и високите стручни школи
• Образец за лица кои се стекнале со назив магистер/специјалист
• Образец за лица доктори на науки кои одбраниле докторски труд. 

Овие услуги имаат за цел да го поедностават и да го дигитализираат процесот на доставување статистички податоци за завршени нивоа на високо образование. Со нивното воведување се овозможува побрзо, поефикасно и полесно пополнување и доставување на потребните информации, без административни бариери и со минимално време.

Електронските обрасци се достапни на следните линкови:
https://uslugi.gov.mk/service/obrazec-za-diplomirani-studenti-na-dodiplomski-studii-na-fakultetite-i-visokite-struchni-shkoli-6166 
https://uslugi.gov.mk/service/obrazec-za-lica-koi-se-steknale-so-naziv-magistarspecijalist-voi--6167 

https://uslugi.gov.mk/service/obrazec-za-lica-doktori-na-nauki-koi-odbranile-doktorski-trud-vo-godina-voi--6168

На промоцијата беа презентирани функционалноста на услугите, начинот на нивното користење, како и придобивките за граѓаните и институциите.
Со ова, Државниот завод за статистика продолжува да ги унапредува дигиталните услуги и ги подобрува квалитетот и достапноста на статистичките податоци.