Работна средба со Институтот за сметководители и овластени сметководители

Државниот завод за статистика во процесот на имплементирањето на новата верзија на Националната класификација на дејностите (ревизија 2.1), остварува средби со субјектите кои непосредно ја применуваат во своето секојдневно работење. Во таа насока на 5.12.2024 година се одржа работна средба на претставници од Државниот завод за статистика со Институтот за сметководители и овластени сметководители (ИСОС).

На средбата ДЗС го презентира процесот на имплементација на НКД рев. 2.1 како задолжителен национален стандард кој е целосно усогласен со европскиот стандард NACE (Nomenclature statistique des Аctivités économiques dans la Communauté Еuropéenne). Овој стандардј ги дефинира економските активности и ги класифицира деловните субјекти и единиците во состав на деловните субјекти, а е наменет за употреба во официјални и други административни бази на податоци, за административни, статистички и аналитички потреби во општеството во целина и обезбедува податоци и информации меѓународно споредливи.

Претставниците од ДЗС ја објаснија структурата на класификацијата, коресподентниите врски меѓу претходната и новата верзија, како и ги запознаа присутните со начинот на кој статистика ја утврдување главната дејност на деловниот субјект кој во своето деловно работење извршува повеќе дејности, познат како Top-down метод.

Соработката ќе продолжи и во наредниот период со цел правилна примена на новата верзија на Националната класификација на дејностите (рев. 2.1). ДЗС воедно соработува и со други субјекти кои во своето работење го користат овој национален стандард.