Средба со студентите од Универзитетот „Гоце Делчев“ во Штип

Во рамките на одбележувањето на Европскиот ден на статистиката, 20 октомври, претставници на Државниот завод за статистика остварија посета на Универзитетот „Гоце Делчев“ во Штип.
 
Пред голем број студенти, директорот на ДЗС, д-р Дејан Станков, одржа предавање на тема: „Официјалните статистики, прозорец за разбирање на општеството“, во кое се осврна на значењето на официјалните статистики, нивната употребна вредност и колку се битни особено за студентите во процесот на нивното образование и подготовките за влез на пазарот на трудот.
 
Директорот Станков и ректорот на Универзитетот „Гоце Делчев“, д-р Дејан Мираковски потпишаа Меморандум за соработка со кој се воспоставува соработка меѓу двете институции и се преземаат нови активности за поголема вклученост на студентите во зголемувањето на статистичката писменост меѓу младите.