Одржана обука за Партнерското оценување за овластените носители во Националниот статистички систем
Партнерското оценување е дел од стратегиските активности на Евростат со кои се оценува усогласеноста на Националниот статистички систем со Кодексот за работа на европската статистика.
Државниот завод за статистика, на 29 септември 2026 година, одржа обука за овластените носители во Националниот статистички систем, како дел од подготовките за претстојната трета рунда на Партнерското оценување.
Партнерското оценување е дел од стратегиските активности на Евростат со кои се оценува усогласеноста на Националниот статистички систем со Кодексот за работа на европската статистика.
На обуката беа презентирани и дискутирани Упатството за обезбедување квалитет на македонската статистика, процесот на Партнерското оценување и Прашалникот за самооценување. Посебен осврт беше направен за улогата и обврските на овластените носители во овој процес, а беа споделени и релевантни искуства од Италијанскиот институт за статистика (ИСТАТ).
Учесниците имаа можност да дискутираат и за практичните аспекти поврзани со пополнувањето на Прашалникот за самооценување, како и за понатамошната координација на активностите во рамките на Националниот статистички систем.
Обуката беше реализирана во рамките на проектот за квалитет, кој е дел од грантот на Евростат во рамките на Повеќекорисничката програма за статистичка соработка ИПА 2022, а го спроведува Државниот завод за статистика.
Фото галерија
Поврзани вести и соопштенија
Средба на Државниот завод за статистика со претставници на Меѓународниот монетарен фонд
Разговори за напредокот во областите национални сметки, статистика на населението и статистика на цените, во рамките на соработката со Меѓународниот монетарен фонд.
16 ноем. 2026
Интензивна меѓународна соработка на Државниот завод за статистика
Директорот на Државниот завод за статистика учествуваше на 111. Конференција на претседателите на националните статистички институции на Европа, на која беше потпишан и Меморандум за разбирање со Турскиот институт за статистика
30 окт. 2026
Евростат во посета на Државниот завод за статистика
Во периодот од 19 до 21 октомври 2026 година, Државниот завод за статистика беше домаќин на втората годишна мисија на Евростат за 2026 година.
22 окт. 2026
Европскиот ден на статистиката го одбележавме заедно со студентите
Оваа година, кога се одбележува десетгодишнината од Европскиот ден на статистиката, посебен акцент беше ставен на приближувањето на статистиката до студентите и на зајакнувањето на соработката со академската заедница.
20 окт. 2026
Продолжува успешната соработка меѓу Државниот завод за статистика и Чешкиот завод за статистика
Размена на искуства и добри практики, унапредување на статистичките методологии и отворање нови можности за билатерална соработка.
08 окт. 2026