Ambasadori i Mbretërisë së Suedisë në vizitë në Njësinë Rajonal të Statistikës në Manastir

Në një atmosferë të këndshme dhe konstruktive, në Njësinë Rajonal të Statistikës në Manastir u mbajt një takim pune ndërmjet drejtorit të Entit Shtetëror të Statistikës, z. Dejan Stankov, dhe ambasadorit të Mbretërisë së Suedisë, Sh.T. Ola Sullstrom.

Qëllimi i takimit ishte njohja e ambasadorit me punën e njësive rajonale dhe shkëmbimi i përvojave të lidhura me bashkëpunimin midis ESHS-së dhe Statistikës Suedeze, i mbështetur nga Agjencia Suedeze për Bashkëpunim Ndërkombëtar për Zhvillim (SIDA).

Ambasadori u njoh nga afër me mënyrën e funksionimit të njësive rajonale të statistikës – rolin e tyre në mbledhjen e të dhënave, komunikimin e drejtpërdrejtë me amvisëritë dhe subjektet afariste, si dhe përfshirjen e tyre në mënyrë graduale në prodhimin e të dhënave statistikore.

Gjatë bisedës u diskutua edhe për projektin aktual bilateral me Statistikën Suedeze, i cili për momentin po zbatohet në ESHS, me fokus të veçantë në qasjen moderne, përmirësimin metodologjik dhe digjitalizimin e proceseve statistikore. Drejtori Stankov theksoi se mbështetja nga Statistika Suedeze përbën një faktor kyç për forcimin e kapaciteteve institucionale, të cilat janë thelbësore për mbështetjen e prodhimit statistikor.

U nënvizua posaçërisht dobia e bashkëpunimit të deritanishëm me Statistikën Suedeze, duke përfshirë shkëmbimin e praktikave të mira, mësimin e ndërsjellë dhe forcimin e aftësive profesionale. Të dy palët theksuan rëndësinë e vazhdimit të partneritetit, me theks në aktivitetet që do të kontribojnë në modernizimin e mëtejshëm të sistemit statistikor kombëtar.