Enti Shtetëror i Statistikës mori pjesë në takimin e Grupit për Politikën e Bashkëpunimit Statistikor në Kishinau
U shqyrtuan prioritetet për harmonizimin me kërkesat e BE-së dhe bashkëpunimin e ardhshëm statistikor
Delegacioni i Entit Shtetëror të Statistikës (ESHS), i kryesuar nga drejtori, dr. Dejan Stankov, mori pjesë në takimin vjetor të Grupit për Politikën e Bashkëpunimit Statistikor (PGSC), i cili u mbajt më 22 dhe 23 shtator në Kishinau, Moldavi. Takimi u organizua nga Eurostat-i, ndërsa mikpritës ishte Enti Kombëtar i Statistikës i Moldavisë.
Në takimin dyditor morën pjesë përfaqësues të Eurostat-it, Komisionit Evropian dhe institucioneve kombëtare të statistikës nga vendet e përfshira në procesin e zgjerimit, me qëllim shqyrtimin e prioriteteve strategjike dhe zhvillimeve në kuadër të Sistemit Evropian të Statistikave (SES).
Në takim mori pjesë edhe drejtoresha e Eurostat-it, znj. Mariana Koceva, e cila kontribuoi në diskutimet lidhur me temat e përfshira në rendin e ditës.
Rendi i ditës u përqendrua në një gamë të gjerë temash me rëndësi për harmonizimin e mëtejshëm të vendeve të përfshira në procesin e zgjerimit me legjislacionin e BE-së në fushën e statistikës, duke përfshirë: zhvillimin dhe rolin e statistikës në procesin e zgjerimit të BE-së dhe në Sistemin Evropian të Statistikave (SES); progresin dhe sfidat lidhur me disponueshmërinë, prodhimin dhe shpërndarjen e të dhënave statistikore; zhvillimet më të fundit dhe planet kombëtare të vendeve të zgjerimit për harmonizimin me kërkesat statistikore të BE-së; prioritetet për vendet e zgjerimit për periudhën 2028–2034; përvojat më të fundit nga vlerësimet kolegiale; përdorimin e inteligjencës artificiale në statistikë, si dhe çështje të tjera.
Pjesëmarrja e delegacionit të ESHS-së në këtë takim dëshmon përkushtimin e Entit ndaj procesit të integrimit evropian, nëpërmjet harmonizimit të sistemit statistikor kombëtar me standardet dhe kërkesat e Bashkimit Evropian, si dhe kontributin aktiv në dialogun për zhvillimin dhe forcimin e bashkëpunimit statistikor.
Gjatë takimit, ESHS-ja prezantoi zhvillimet më të rëndësishme të fundit në Sistemin Kombëtar të Statistikave, si dhe prioritetet që lidhen me procesin e anëtarësimit në Bashkimin Evropian. Interes të veçantë ngjalli prezantimi i përvojës së ESHS-së në përdorimin e inteligjencës artificiale në fushën e statistikës.
Fotogaleria
Lajmet e ngjajshme dhe publikimet
Panel-diskutim mbi rolin e raporteve financiare në krijimin e politikave
Raportet kontabël krijojnë statistika makroekonomike cilësore që janë bazë për politika efektive
15 dhj 2025
Nënshkruhet Memorandum për bashkëpunim mes Entit Shtetëror të Statistikës dhe Shoqatës së Matematicientëve të Maqedonisë
Forcimi i interesit dhe potencialit të të rinjve për shkencat ekonomike
11 dhj 2025
Takim me Ambasadorin e Republikës së Çekisë – u potencua bashkëpunimi i vazhdueshëm mes sistemit statistikor të Maqedonisë dhe atij çek
U theksua se partneritete të tilla përbëjnë një bazë të rëndësishme për zhvillimin e sistemeve statistikore moderne, efikase dhe të besueshme, gjë që është me rëndësi thelbësore për krijimin e politikave cilësore dhe për informimin transparent të opinionit publik
02 dhj 2025
Vizita e drejtoreshës së Statistikës së Suedisë në Entin Shtetëror të Statistikës
Me 27.11.2025, Enti Shtetëror i Statistikës ishte nikoqir i drejtoreshës së Statistikës së Suedisë, Eva-Lo Ighe, vizita e së cilës paraqet moment të rëndësishëm në avancimin e bashkëpunimit shumëvjeçar ndërmjet dy institucioneve
01 dhj 2025
Ambasadori i Mbretërisë së Suedisë në vizitë në Njësinë Rajonal të Statistikës në Manastir
Në një atmosferë të këndshme dhe konstruktive, në Njësinë Rajonal të Statistikës në Manastir u mbajt një takim pune ndërmjet drejtorit të Entit Shtetëror të Statistikës, z. Dejan Stankov, dhe ambasadorit të Mbretërisë së Suedisë, Sh.T. Ola Sullstrom
21 nën 2025