Takim me Ambasadorin e Republikës së Çekisë – u potencua bashkëpunimi i vazhdueshëm mes sistemit statistikor të Maqedonisë dhe atij çek

Më 1 dhjetor 2025, Drejtori i Entit Shtetëror të Statistikës, Dr. Dejan Stankov, zhvilloi një takim pune me Ambasadorin e Republikës së Çekisë në Republikën e Maqedonisë së Veriut, ekselencën e tij z. Jaroslav Ludva. Takimi përfaqësonte një mundësi për të afirmuar bashkëpunimin jashtëzakonisht të mirë që ndërtohet prej më shumë se dy dekadash ndërmjet Entit Shtetëror të Statistikës dhe Entit të Statistikës së Çekisë.

Në një atmosferë të këndshme dhe konstruktive, bashkëbiseduesit diskutuan për rëndësinë e bashkëpunimit statistikor ndërkombëtar dhe për rezultatet pozitive që dalin nga përvojat e ndara dhe mbështetja që të dy institucionet e kultivojnë gjatë viteve. U theksua se partneritete të tilla përbëjnë një bazë të rëndësishme për zhvillimin e sistemeve statistikore moderne, efikase dhe të besueshme, gjë që është me rëndësi thelbësore për krijimin e politikave cilësore dhe për informimin transparent të opinionit publik.

Drejtori dhe Ambasadori konfirmuan gatishmërinë për vazhdimin e bashkëpunimit dhe për nismën e aktiviteteve të reja që do të kontribojnë në avancim edhe më të madh të marrëdhënieve bilaterale. Takimi përfundoi me vlerësimin e përbashkët se partneriteti ndërmjet dy institucioneve statistikore është shembull i një bashkëpunimi të suksesshëm dhe afatgjatë institucional.