Vizitë edukative nga nxënësit e SHF „Grigor Prliçev“ – Shkup

Sot, Entin Shtetëror të Statistikave e vizituan nxënësit e klasave të pesta të shkollës fillore „Grigor Prliçev“ – Shkup.

Përmes një prezantimi të shkurtër dhe bisedës me të punësuarit në Ent, nxënësit patën mundësi të mësojnë më shumë për aktivitetin më të madh statistikor – Regjistrimin e popullsisë, ekonomive familjare dhe banesave – pse realizohet, si grumbullohen të dhënat dhe cili është roli i tyre në planifikimin e politikave publike.

Interes të veçantë tek nxënësit ngjalli pjesa e përkushtuar emrave dhe mbiemrave më të shpeshtë në vend, ku në mënyrë interesante dhe interaktive mësuan se cilët janë disa nga emrat më të përhapur në mesin e popullsisë.

Vizita ishte një mundësi e shkëlqyer që nxënësit e rinj të njihen me punën e Entit Shtetëror të Statistikave, të kuptojnë rëndësinë e statistikës në jetën e përditshme dhe të nxisin interesin për të që në moshë të hershme.