Државен завод за СТАТИСТИКА
Новости

Едукативна поддршка од Државниот завод за статистика за нашите олимпијци на претстојната Меѓународна економска олимпијада

Со анализа на клучните економски индикатори во презентација, ДЗС даде придонес во подготовката на учениците за Меѓународната економска олимпијада

Во насока на зголемување на статистичката писменост кај младите и зајакнување на врската меѓу статистиката и науката, на 01.07.2025 година, Државниот завод за статистика во својот Центар за обука организира едукативна обука за учениците што ќе ја претставуваат Република Северна Македонија на претстојната Меѓународна економска олимпијада.
Презентацијата на тема „Основни економски индикатори со посебен осврт на Џини коефициентот“ ја одржа директорот на ДЗС, доц. д-р Дејан Станков, со цел да им понуди на учениците подлабоко разбирање на:

  • концептот на БДП и БНП и нивното правилно толкување,
  • нееднаквоста во доходите прикажена преку коефициентот на Џини и други релевантни индикатори со осврт на нивните предности и слабости,
  • начини на мерење на релативната сиромаштија,
  • инфлацијата мерена преку индексот на трошоци на животот,
  • основни индикатори за економската активност на населението,
  • видови индекси на временска серија итн.

Оваа активност претставува конкретен придонес на Заводот во поддршката на младите таленти и нивната подготовка за светски научни натпревари, како и во ширењето на статистичката култура во општеството.

Фото галерија

Поврзани вести и соопштенија

Билатерална посета и продлабочување на партнерството со Шведската статистика

Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.

24 јан. 2025

Потпишан Меморандум за соработка помеѓу Државниот завод за статистика и Комората на сметководители

Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа. 

17 јан. 2025

Државниот завод за статистика и Министерството за енергетика, рударство и минерални суровини потпишаа Меморандум за соработка

Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.

15 јан. 2025

Состанок со Активноста на УСАИД Партнерства за економски раст

На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.

30 дек. 2024