Mbështetje edukative nga Enti Shtetëror i Statistikave për olimpistët tanë në Olimpiadën Ndërkombëtare të Ekonomisë

Në drejtim të rritjes së njohurive statistikore tek të rinjtë dhe forcimit të lidhjes ndërmjet statistikës dhe shkencës, më datë 01.07.2025, Enti Shtetëror i Statistikave organizoi, në Qendrën e tij të trajnimeve, trajnim edukativ për nxënësit që do ta përfaqësojnë Republikën e Maqedonisë së Veriut në Olimpiadën Ndërkombëtare të Ekonomisë.
Prezantimin me temë „Treguesit bazë ekonomikë me theks të veçantë në koeficientin Gini“ e mbajti drejtori i ESHS, doc. dr. Dejan Stankov, me qëllim t’u ofrojë nxënësve një kuptim më të thellë të:

• konceptit të PBB-së dhe PNB-së dhe interpretimit të tyre të saktë,
• pabarazisë në të ardhura të shprehur përmes koeficientit Gini dhe treguesve të tjerë përkatës me analizë të përparësive dhe kufizimeve të tyre,
• mënyrave të matjes së varfërisë relative,
• inflacionit të matur përmes indeksit të çmimeve të konsumit,
• treguesve themelorë të aktivitetit ekonomik të popullsisë,
• llojeve të indekseve të serive kohore etj.

Ky aktivitet paraqet një kontribut konkret të Entit në mbështetjen e talenteve të rinj dhe përgatitjen e tyre për gara shkencore ndërkombëtare, si dhe në përhapjen e njohurive statistikore në shoqëri.