Едукативна посета на ученици од ОУ „Григор Прличев“ – Скопје
ДЗС и понатаму ќе продолжи да придонесува за образованието и информираноста на младите генерации, со цел да го поттикне нивниот интерес за статистиката
На 07.05.2025 година, Државниот завод за статистика го посетија ученици од петтите одделенија при ОУ „Григор Прличев“ – Скопје.
Преку кратка презентација и разговор со вработените во ДЗС, учениците имаа можност да научат повеќе за најобемната статистичка активност – пописот на населението, домаќинствата и становите – зошто се спроведува, како се собираат податоците и каква е нивната улога во планирањето на јавните политики.
Посебен интерес кај учениците предизвика делот посветен на најчестите имиња и презимиња во земјата, при што на интересен и интерактивен начин дознаа кои се некои од најзастапените имиња меѓу населението.
Посетата беше одлична можност младите ученици да се запознаат со работата на ДЗС, да сфатат колку е важна статистиката во секојдневниот живот и да го поттикне интересот за статистиката кај нив уште од најрана возраст.
Фото галерија
Поврзани вести и соопштенија
Посета на ученици од Средното економско училиште „Јане Сандански“ – Битола
Оваа посета е во рамките на активностите на Заводот за подобрување на статистичката писменост помеѓу учениците
27 мар. 2025
56. сесија на Статистичката комисија на ОН – највисоко тело за одлучување за меѓународни статистички активности
Генерална тема на сесијата е „Подобри податоци, подобри животи“, а членовите на Комисијата за статистика, меѓу другото, дискутираа и усвоија две резолуции – „Систем на националните сметки 2025“ и „Светска програма за попис на населението и домувањето за 2030 година“
10 мар. 2025
Потпишување Меморандум за соработка со Американскиот колеџ
Со ова партнерство, ќе се обезбеди подобра координација и размена на информации меѓу институциите, што ќе овозможи поефикасно користење на статистичките податоци во академските истражувања и образованието.
26 фев. 2025
Состанок на Државниот завод за статистика со Институтот за економски истражувања и политики Finance Think
Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.
24 фев. 2025
Средба со Мисијата на Меѓународниот монетарен фонд
Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди
21 фев. 2025