Официјална посета на Унгарскиот централен завод за статистика
Државниот завод за статистика на Република Северна Македонија и Унгарскиот централен завод за статистика ја зајакнуваат соработката преку билатерален состанок и меморандум за разбирање

Државниот завод за статистика на Република Северна Македонија (ДЗС) и Унгарскиот централен завод за статистика (УЦЗС) одржаа билатерален состанок на високо ниво, на 8 и 9 мај 2025 година, во Будимпешта, со цел подобрување на соработката и споделување на експертиза во областа на официјалната статистика.
На средбата учествуваа раководствата на двете институции, кои се вклучија во конструктивна размена на искуства и знаења во низа статистички домени, вклучувајќи модернизација на процесите на статистичко производство, дигитализација и координација на Националниот статистички систем.
Клучен белег на состанокот беше официјалното потпишување на Меморандум за разбирање помеѓу двата статистички заводи. Меморандумот за разбирање воспоставува рамка за зајакната соработка преку заеднички активности и проекти за соработка во развојот на статистиката. Меморандумот беше потпишан од доц. д-р Дејан Станков и д-р Арон Кинчеш, претседател на УЦЗС.
Билатералниот состанок ја одразува заедничката посветеност на двете институции да ги почитуваат принципите на професионална независност, транспарентност и меѓународна соработка во статистиката. Исто така, се усогласува со пошироките напори за европска интеграција и тековното усогласување со Европскиот статистички систем.
Државниот завод за статистика на Република Северна Македонија и Унгарскиот централен завод за статистика со нетрпение го очекуваат спроведувањето на договорените активности согласно со новиот Меморандум за разбирање, поттикнување на долгорочни институционални врски и продолжување на придонесот кон развојот на висококвалитетна официјална статистика.
Фото галерија




Поврзани вести и соопштенија
Свечена академија „80 години Државен завод за статистика“

Од рачно собрани податоци до современи дигитални платформи, од статистички годишници во хартиена форма до отворени бази на податоци достапни за сите граѓани – патот што го изоде официјалната статистика е навистина импресивен
03 јун. 2025
Крводарителска акција по повод 80-годишниот јубилеј на институцијата

ДЗС посветено работи на подобрување на општествената благосостојба преку хуманитарни активности и поддршка на различни иницијативи
27 мај 2025
Официјална посета на Унгарскиот централен завод за статистика

Државниот завод за статистика на Република Северна Македонија и Унгарскиот централен завод за статистика ја зајакнуваат соработката преку билатерален состанок и меморандум за разбирање
14 мај 2025
Државниот завод за статистика се вклучи во „Генералка викенд 2025“

Како општествено одговорна институција, ДЗС активно учествува во „Генералка викенд 2025“ за создавање почиста и поздрава урбана средина
09 мај 2025
Едукативна посета на ученици од ОУ „Григор Прличев“ – Скопје

ДЗС и понатаму ќе продолжи да придонесува за образованието и информираноста на младите генерации, со цел да го поттикне нивниот интерес за статистиката
08 мај 2025