Vizitë zyrtare në Institutin Qendror të Statistikave të Hungarisë

Enti Shtetëror i Statistikave i Republikës së Maqedonisë së Veriut (ESHS) dhe Instituti Qendror i Statistikave i Hungarisë (IQSH) mbajtën një takim dypalësh në nivel të lartë më 8 dhe 9 мај të vitit 2025 në Budapest, me qëllim përmirësimin e bashkëpunimit dhe ndarjen e ekspertizës në fushën e statistikave zyrtare.

Në takim morën pjesë drejtuesit e të dy institucioneve, të cilët u angazhuan në një shkëmbim konstruktiv përvojash dhe njohurish në një sërë fushash statistikore, duke përfshirë modernizimin e proceseve të prodhimit statistikor, digjitalizimin dhe koordinimin e Sistemit Kombëtar Statistikor.

Një moment kyç i takimit ishte nënshkrimi zyrtar i Memorandumit të Mirëkuptimit midis dy enteve të statistikave. Ky memorandum vendos një kornizë për bashkëpunim të forcuar përmes aktiviteteve dhe projekteve të përbashkëta për zhvillimin e statistikave. Memorandumi u nënshkrua nga doc. dr. Dejan Stankov dhe dr. Áron Kinçes, president i IQSH.

Takimi dypalësh pasqyron përkushtimin e përbashkët të të dy institucioneve për respektimin e parimeve të pavarësisë profesionale, transparencës dhe bashkëpunimit ndërkombëtar në fushën e statistikave. Gjithashtu, përputhet me përpjekjet më të gjera për integrimin evropian dhe harmonizimin e vazhdueshëm me Sistemin Evropian të Statistikave.

Enti Shtetëror i Statistikave i Republikës së Maqedonisë së Veriut dhe Instituti Qendror i Statistikave i Hungarisë presin me padurim zbatimin e aktiviteteve të dakorduara në përputhje me Memorandumin e ri të Mirëkuptimit, duke nxitur lidhje afatgjata institucionale dhe duke kontribuar në zhvillimin e statistikave zyrtare me cilësi të lartë.