Посета на студенти од Меѓународниот балкански универзитет
Презентацијата, подготвена од стручните лица од ДЗС, ги опфати клучните аспекти на процесот на изборот на примероци, прибирањето податоци и нивното уредување
Денес, 22 април 2025 година, Државниот завод за статистика беше домаќин на група студенти и нивната професорка од Меѓународниот балкански универзитет во Скопје. Настанот беше посветен на темата „Избор на примероци и методи за прибирање податоци“, при што студентите имаа можност преку презентација директно да се запознаат со статистичките практики што ги применува Заводот.
Презентацијата, подготвена од стручните лица од ДЗС, ги опфати клучните аспекти на процесот на изборот на примероци, прибирањето податоци и нивното уредување. Вработените го претставија своето искуство преку конкретни истражувања, што придонесе за интересна и продуктивна дискусија со присутните студенти.
Овие средби се од особена важност за унапредување на знаењата и практичните вештини на студентите, како и за продлабочување на соработката помеѓу академската заедница и Државниот завод за статистика. Заводот останува отворен за вакви иницијативи и во иднина, со цел дополнително поврзување на теоретските знаења со реалната примена во статистичката пракса.
Фото галерија
Поврзани вести и соопштенија
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025
Состанок со Активноста на УСАИД Партнерства за економски раст
На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.
30 дек. 2024