Светскиот ден на статистиката одбележан со меѓународна научна конференција во Будимпешта
Статистиката и науката – партнери за подобра иднина

По повод одбележувањето на Светскиот ден на статистиката, Унгарскиот централeн завод за статистика (HCSO) организира меѓународна научна конференција на тема „Статистика и наука“, која се одржа на 20 октомври 2025 година во свечената сала на Унгарската академија на науките во Будимпешта. Конференцијата собра еминентни експерти од Унгарија и од странство, кои дискутираа за меѓусебното влијание на статистиката и науката, како и за најновите трендови во истражувањето и креирањето политики базирани на податоци.
Свои поздравни говори на отворањето имаа:
- Ласло Петер Колар, генерален секретар на Унгарската академија на науките
- Арон Кинчеш, претседател на Унгарскиот централeн завод за статистика
- Тина Луиге, директорка на Секторот за статистика при Економската комисија за Европа на Обединетите нации (UNECE).
Директорот на Државниот завод за статистика на Република Северна Македонија, д-р Дејан Станков, учествуваше во првиот дел од конференцијата, при што го претстави значењето на соработката помеѓу статистичките институции и академската заедница. Овој настап ја потврдува заложбата на нашата институција за активно учество во меѓународните статистички иницијативи и за зајакнување на научната димензија на официјалната статистика.
Во првиот дел од конференцијата, своја презентација имаше и проф. Тобијас Томас од Универзитетот во Грац, кој зборуваше за улогата на современата статистичка инфраструктура во унапредувањето на научните истражувања. Барнабаш Вираг, заменик-претседател на Народната банка на Унгарија, го анализираше значењето на статистичките податоци за идните економски политики.
Кон првиот дел се придружи и Етјен Каруана, директор на Заводот за статистика на Малта, кој говореше за предизвиците и можностите поврзани со модернизацијата на статистичките институции.
Државниот завод за статистика изразува искрена благодарност до претседателот на Унгарскиот централeн завод за статистика, г. Арон Кинчеш за одличната организација и гостопримството.
Настанот ја нагласи клучната улога на статистичките методи во современата наука – од моделирање и предиктивна анализа до машинско учење и откривање шеми во податоците. Статистиката претставува суштински елемент за донесување одлуки базирани на информации и за развој на науката, а статистичките институции, како истражувачки и иновативни тела, имаат сѐ поважна улога во овој процес.
Светскиот ден на статистиката се одбележува секои пет години, започнувајќи од 2010 година по иницијатива на Обединетите нации, со цел да се поттикне јавната свест за значењето на квалитетните, навремени и доверливи статистички податоци во разбирањето на општествените и економските процеси.
Фото галерија


Поврзани вести и соопштенија
Билатерална посета и продлабочување на партнерството со Шведската статистика

Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители

Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка

Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025
Состанок со Активноста на УСАИД Партнерства за економски раст

На 30.12.2024 година, во просториите на Државниот завод за статистика, директорот на ДЗС, д-р Дејан Станков, имаше состанок со заменик-директорот на Активноста, г-ѓа Тамара Тодоровска и раководителот на компонентата за јавно-приватен дијалог, г-ѓа Ирена Ѓоргиевска.
30 дек. 2024
Предавање пред студентите од Американ колеџ

Денес, Државниот завод за статистика беше домаќин на група студенти од Американ колеџ
10 дек. 2024