Државен завод за СТАТИСТИКА

Новости

Државниот завод за статистика учествуваше на состанок на Групата за статистичка соработка во Кишинев

Разгледани приоритетите за усогласување со ЕУ и идната статистичка соработка

Делегацијата на Државниот завод за статистика (ДЗС), предводена од директорот д-р Дејан Станков, учествуваше на годишниот состанок на Групата за политика за статистичка соработка (PGSC), што се одржа на 22 и 23 септември во Кишинев, Молдавија, организиран од Евростат, а домаќин беше статистичкиот завод на Молдавија.

На дводневниот состанок учествуваа претставници на Евростат, Европската комисија и националните статистички институти од земјите од проширувањето за да разговараат за стратегиските приоритети и развојот во Европскиот статистички систем (ЕСС).

На состанокот учествуваше и директорката на Евростат, г-ѓа Маријана Коцева, која даде поддршка на дискусиите од дневниот ред. 

Дневниот ред се фокусира на широк спектар теми клучни за понатамошно усогласување на земјите од проширувањето со правото на ЕУ што се однесува на статистиката вклучувајќи ги: развојот и улогата на статистиката во процесот на проширување на ЕУ и во Европскиот статистички систем (ЕСС), напредокот и предизвиците за достапноста, производството и дисеминацијата на статистичките податоци, најновите случувања и националните планови на земјите од проширувањето за усогласување со статистичките барања на ЕУ, приоритетите за земјите од проширувањето за периодот 2028 – 2034 година, најновите искуства од партнерските оценувања, користењето на вештачката интелигенција во статистиката и сл.

Учеството на делегацијата на ДЗС на овој состанок ги потврди силната посветеност на Заводот кон процесот на европска интеграција со усогласување на статистичкиот систем со стандардите на ЕУ и активниот придонес во дијалогот за иднината на статистичката соработка. 
ДЗС ги презентира неодамнешните поважни случувања во Националниот статистички систем, како и приоритетите поврзани со пристапувањето кон ЕУ. Особено голем интерес предизвика презентацијата на користењето на вештачката интелигенција од страна на ДЗС.

Фото галерија

Поврзани вести и соопштенија

Состанок на Државниот завод за статистика со Институтот за економски истражувања и политики Finance Think

Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.

24 фев. 2025

Средба со Мисијата на Меѓународниот монетарен фонд

Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди

21 фев. 2025

Состанок со Факултетот за безбедност за утврдување на можностите за идна соработка

Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница

14 фев. 2025

Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“

Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)

06 фев. 2025