Внатрешна трговија и други услуги

Внатрешната трговија го следи прометот во трговијата на мало и во трговијата на големо во деловните субјекти (претпријатија, трговски друштва) чија главна дејност е трговија. 

Остварен промет е вкупниот промет што го остваруваат деловните субјекти од продажба во секторот Трговија. 

Индикаторот за промет во трговијата го мери прометот во трговијата на големо и во трговијата на мало и тоа во форма на номинални и реални (ценовно прилагодени ) индекси, а не во апсолутни износи. Поради тоа, индикаторот исклучиво служи за следење на динамиката (развојот), а не за оценка на нивото на прометот.

Индексите на прометот на услуги спаѓаат во групата на главни европски краткорочни економски индикатори и ја проценуваат просечната промена на прометот помеѓу два временски периода. Индексите на прометот на услуги се користат за следење на тековниот економски развој и за краткорочни предвидувања.