Mbajtja e punëtorisë “Statistika për gazetarët”

Në datën 29.04.2025, në organizim të Entit Shtetëror të Statistikës, u mbajt punëtoria “Statistika për gazetarët”, me qëllim të forcimit të aftësive të gazetarëve për përdorim dhe interpretim të të dhënave statistikore, si dhe njohjen me risitë në punën e Entit.

Në punëtori morën pjesë gazetarë nga media të ndryshme, të cilët patën mundësinë të njihen nga afër me procesin e rebrendimit të Entit Shtetëror të Statistikës, me faqen e re të internetit dhe me mënyrën e re, të përmirësuar dhe më të thjeshtuar të paraqitjes së publikimeve statistikore.

Punëtoria u drejtua nga drejtori i Entit Shtetëror të Statistikës, z. Dejan Stankov, dhe nga punonjës të sektorit për diseminim. Vëmendje e veçantë iu kushtua përdorimit praktik të bazës së të dhënave MAKSTAT, përmes shembujve konkretë dhe ushtrimeve për hulumtimin dhe përpunimin e të dhënave të rëndësishme për temat me interes publik.

Pjesëmarrësit morën udhëzime për mënyra më të lehta të qasjes në të dhëna, si ti interpretojnë në mënyrë të drejtë dhe si ti integrojnë në mënyrë të qartë e koncize në storjet e tyre gazetareske.

Ngjarja u vlerësua si shumë e dobishme nga gazetarët e pranishëm, të cilët theksuan rëndësinë e iniciativave të tilla për rritjen e njohjes dhe aksesit në të dhënat statistikore për publikun.

Punëtoria “Statistika për gazetarët” është pjesë e përpjekjeve më të gjera të Entit Shtetëror të Statistikës për t’u hapur ndaj mediave dhe për të forcuar besimin e publikut përmes modernizimit dhe përfshirjes aktive të përdoruesve të të dhënave statistikore.