Me sukses është mbajtur ngjarja e projektit “Twinning” të financuar nga Bashkimi Evropian: “Përmirësimi i cilësisë dhe përfshirjes së statistikave për mjedisin dhe shëndetësinë”
Një vit nga projekti Twinning: shkëmbim përvojash dhe arritjesh në avancimin e statistikave
Me 18.09.2025 Me agjendën eme sukses përfundoi konferenca në kuadër të projektit Twinning të financuar nga Bashkimi Evropian: “Përmirësimi i cilësisë dhe përfshirjes së statistikave për mjedisin jetësor dhe shëndetësinë” (MK 22 IPA ST 01 24), e organizuar një vit pas fillimit të tij.
Ngjarjen e hapën përfaqësues të lartë: Shkëlqesia e Tij Paolo Palminteri, ambasador i Republikës së Italisë në Maqedoninë e Veriut, z. Steffen Hudolin, drejtues i Sektorit për Bashkëpunim pranë Delegacionit të BE-së, dhe z. Dejan Stankov, drejtor i Entit Shtetëror i Statistikës.
Në kuadër të diskutimit në panel me temën “Modernizimi i statistikës zyrtare për integrimin evropian”, i moderuar nga prof. Marjan Petreski, u shkëmbyen përvoja dhe perspektiva për avancimin e statistikës në përputhje me standardet e BE-së.
, Përveç drejtorit të Entit Shtetëror të Statistikës, panelistët ishin edhe ekspertë nga institutet kombëtare të statistikave të Italisë (Istat), Sllovenisë (SURS), Shqipërisë (INSTAT) dhe Shoqata Gjeografike Italiane (SGI).
Pjesa e dytë e programit iu kushtua arritjeve të vetë projektit Twinning, të paraqitura nga ekipi i Entit Shtetëror i Statistikës dhe partnerët nga Istat. Deri tani janë realizuar 17 nga gjithsej 60 misione, dhe janë planifikuar edhe 4 vizita studimore. Vëmendje e veçantë iu kushtua qëndrueshmërisë dhe përfitimeve afatgjata nga projekti.
Qëllimi i projektit është të kontribuojë në përmirësimin e kapaciteteve për mbledhjen, analizën dhe shpërndarjen e të dhënave statistikore në fushat e mjedisit, bujqësisë dhe shëndetësisë, si fusha kyçe për harmonizim me rregulloret statistikore evropiane dhe për krijimin e politikave publike cilësore.
Ngjarja konfirmoi rëndësinë e bashkëpunimit ndërkombëtar dhe shkëmbimit të praktikave të mira si bazë për ndërtimin e një sistemi statistikor të fortë, efikas dhe transparent, të gatshëm për të përmbushur nevojat e procesit të integrimit evropian.
Fotogaleria
Lajmet e ngjajshme dhe publikimet
Vizitë edukative nga nxënësit e SHF „Grigor Prliçev“ – Shkup
Enti Shtetëror i Statistikave do të vazhdojë të kontribojë në edukimin dhe informimin e gjeneratave të reja, me qëllim të nxitjes së interesit të tyre për statistikën.
08 maj 2025
Nënshkrim i Memorandumit të Bashkëpunimit ndërmjet Entit Shtetëror të Statistikës dhe Fakultetit Ekonomik – Shkup
Qëllimi i bashkëpunimit është të përafrojë sektorin akademik me sektorin publik dhe të mundësoj përvojë praktike për studentët.
02 maj 2025
Mbajtja e punëtorisë “Statistika për gazetarët”
Në punëtori u prezantuan të rejat e Entit Shtetëror të Statistikës dhe mënyrat praktike për raportim gazetaresk
30 pri 2025
Nënshkrimi i Memorandumit të Bashkëpunimit midis Entit Shtetëror të Statistikës dhe Fakultetit të Sigurisë - Shkup
Drejtori dhe punonjësit e Entit Shtetëror të Statistikës u prezantuan para studentëve të pranishëm me prezantimet e tyre në lidhje me pozicionin dhe rolin e Entit në shoqëri, rëndësinë e statistikave zyrtare, sistemin statistikor kombëtar dhe statistikat e krimit
25 pri 2025
Vizitë e studentëve nga Universiteti Ndërkombëtar Ballkanik
Prezantimi, i përgatitur nga ekspertët e Entit Shtetëror të Statistikës, përfshiu aspektet kyçe të procesit të përzgjedhjes së mostrave, grumbullimit të të dhënave dhe përpunimit të tyre.
22 pri 2025