Me sukses është mbajtur ngjarja e projektit “Twinning” të financuar nga Bashkimi Evropian: “Përmirësimi i cilësisë dhe përfshirjes së statistikave për mjedisin dhe shëndetësinë”
Një vit nga projekti Twinning: shkëmbim përvojash dhe arritjesh në avancimin e statistikave
Me 18.09.2025 Me agjendën eme sukses përfundoi konferenca në kuadër të projektit Twinning të financuar nga Bashkimi Evropian: “Përmirësimi i cilësisë dhe përfshirjes së statistikave për mjedisin jetësor dhe shëndetësinë” (MK 22 IPA ST 01 24), e organizuar një vit pas fillimit të tij.
Ngjarjen e hapën përfaqësues të lartë: Shkëlqesia e Tij Paolo Palminteri, ambasador i Republikës së Italisë në Maqedoninë e Veriut, z. Steffen Hudolin, drejtues i Sektorit për Bashkëpunim pranë Delegacionit të BE-së, dhe z. Dejan Stankov, drejtor i Entit Shtetëror i Statistikës.
Në kuadër të diskutimit në panel me temën “Modernizimi i statistikës zyrtare për integrimin evropian”, i moderuar nga prof. Marjan Petreski, u shkëmbyen përvoja dhe perspektiva për avancimin e statistikës në përputhje me standardet e BE-së.
, Përveç drejtorit të Entit Shtetëror të Statistikës, panelistët ishin edhe ekspertë nga institutet kombëtare të statistikave të Italisë (Istat), Sllovenisë (SURS), Shqipërisë (INSTAT) dhe Shoqata Gjeografike Italiane (SGI).
Pjesa e dytë e programit iu kushtua arritjeve të vetë projektit Twinning, të paraqitura nga ekipi i Entit Shtetëror i Statistikës dhe partnerët nga Istat. Deri tani janë realizuar 17 nga gjithsej 60 misione, dhe janë planifikuar edhe 4 vizita studimore. Vëmendje e veçantë iu kushtua qëndrueshmërisë dhe përfitimeve afatgjata nga projekti.
Qëllimi i projektit është të kontribuojë në përmirësimin e kapaciteteve për mbledhjen, analizën dhe shpërndarjen e të dhënave statistikore në fushat e mjedisit, bujqësisë dhe shëndetësisë, si fusha kyçe për harmonizim me rregulloret statistikore evropiane dhe për krijimin e politikave publike cilësore.
Ngjarja konfirmoi rëndësinë e bashkëpunimit ndërkombëtar dhe shkëmbimit të praktikave të mira si bazë për ndërtimin e një sistemi statistikor të fortë, efikas dhe transparent, të gatshëm për të përmbushur nevojat e procesit të integrimit evropian.
Fotogaleria
Lajmet e ngjajshme dhe publikimet
Takimi me Fakultetin e sigurisë për përcaktimin e mundësive për bashkëpunim të ardhshëm
Drejtori i Entit, dr. Dejan Stankov, shprehu gatishmërinë e Entit për bashkëpunim me Fakultetin e sigurisë, veçanërisht pasi një nga prioritetet e Entit është përmirësimi dhe rritja e bashkëpunimit me komunitetin akademik
14 shk 2025
Takimi i parë i Komitetit Drejtues të twining-projektit "Përmirësimi i cilësisë dhe përfshirja e statistikave të mjedisit jetësor dhe shëndetësor"
Projekti është i financuar nga Bashkimi Evropian (BE) dhe zbatohet bashkërisht nga ESHS dhe Instituti Kombëtar Italian i Statistikave (Istat), në partneritet me Konsorciumin për sistemet e informacionit (Consorzio per il Sistema Informativo – CSI Piemonte), Agjencinë e shërbimeve energjetike (Gestore Servizi Energetici – GSE) dhe Shoqata gjeografike italiane (Società Geografica Italiana – SGI)
06 shk 2025
Nënshkruhet Memorandumi i Bashkëpunimit ndërmjet Entit Shtetëror të Statistikës dhe Odës së Kontabilistëve
Memorandumi do të mundësojë një koordinim më të mirë ndërmjet dy institucioneve, organizimin e ngjarjeve të përbashkëta me theks të veçant në harmonizimin e rregulloreve dhe standardeve statistikore dhe të kontabilitetit, si dhe mbështetje në procesin e raportimit financiar cilësor, me synim marrjen e saktë, precize dhe gjithëpërfshirëse të të dhënave që i nënshtrohen analizës statistikore.
17 jan 2025
Enti Shtetëror i Statistikës dhe Ministria e Energjisë, Minierave dhe Burimeve Minerale nënshkruan Memorandum bashkëpunimi
Të dy institucionet do të bashkëpunojnë në përputhje me kornizat ligjore dhe nevojat e përcaktuara bashkërisht, nëpërmjet mbajtjes së takimeve të përbashkëta, pjesëmarrje në konferenca dhe në trajnime dhe kurse të organizuara nga njëra apo pala tjetër.
15 jan 2025
Takim me aktivitetin e partneritetit të USAID-it për rritje ekonomike
Me datë 30.12.2024, në hapësirat e Entit Shtetëror për Statistikë, drejtori i ESHS-së, dr. Dejan Stankov, realizoi takim me zëvendësdrejtoreshën e Aktivitetit, znj. Tamara Todorovska dhe udhëheqësen e komponentës për dialog privato-publik, znj. Irena Gjorgievska.
30 dhj 2024