Државен завод за СТАТИСТИКА
Новости

Учество на конференцијата „Проширување на ЕУ – улогата на споредлива и веродостојна официјална статистика“

Веродостојните и споредливи статистики не се само бројки – тие се основа на информирани одлуки, меѓусебна доверба и напредок на патот кон ЕУ

На 11 и 12 септември, делегација од Државниот завод за статистика предводена од директорот, доц.д-р Дејан Станков, учествуваше на конференција од високо ниво „Проширување на ЕУ – улогата на споредлива и веродостојна официјална статистика“, која се одржа во Бургас, Република Бугарија. На конференцијата учествуваа директорката на статистичкиот завод на Европската Унија, г-ѓа Мариана Коцева, како и директорите на статистичките заводи на Словенија, Хрватска, Бугарија, Романија, Полска, Грција, земјите од проширувањето и претставници на Фондот за население на Обединетите Нации.

Дискусиите се фокусираа на некои од најважните теми за иднината на европската интеграција, вклучувајќи:

  • Предизвиците и можностите на проширувањето на ЕУ.
  • Зајакнување на комуницирањето на официјалната статистика.
  • Искористување на нови извори на податоци за креирање политики засновани на докази.
  • Улогата на партнерското оценување (peer review) во обезбедувањето квалитет, независност и доверба.

Веродостојните и споредливи статистики не се само бројки – тие се основа на информирани одлуки, меѓусебна доверба и напредок на патот кон ЕУ.

Конференцијата беше одличен форум за размена на идеи во рамките на меѓународната соработка за зајакнување на Европскиот статистички систем и поддршка на процесот на проширување.

Фото галерија

Поврзани вести и соопштенија

56. сесија на Статистичката комисија на ОН – највисоко тело за одлучување за меѓународни статистички активности

Генерална тема на сесијата е „Подобри податоци, подобри животи“, а членовите на Комисијата за статистика, меѓу другото, дискутираа и усвоија  две резолуции – „Систем на националните сметки 2025“ и „Светска програма за попис на населението и домувањето за 2030 година“

10 мар. 2025

Потпишување Меморандум за соработка со Американскиот колеџ

Со ова партнерство, ќе се обезбеди подобра координација и размена на информации меѓу институциите, што ќе овозможи поефикасно користење на статистичките податоци во академските истражувања и образованието.

26 фев. 2025

Состанок на Државниот завод за статистика со Институтот за економски истражувања и политики Finance Think

Целта на состанокот беше дефинирање на активности кои ќе го зголемат обемот на соработка помеѓу Државниот завод за статистика и невладиниот сектор, со посебен акцент на научната и истражувачката заедница.

24 фев. 2025

Средба со Мисијата на Меѓународниот монетарен фонд

Се дискутираше за повеќе теми од областа на националните сметки, инфлацијата, популациските и миграциските трендови, деловните и социјалните статистики, како и за идните активности на Заводот во насока на хармонизирање со меѓународните статистички стандарди

21 фев. 2025