Учество на конференцијата „Проширување на ЕУ – улогата на споредлива и веродостојна официјална статистика“
Веродостојните и споредливи статистики не се само бројки – тие се основа на информирани одлуки, меѓусебна доверба и напредок на патот кон ЕУ
На 11 и 12 септември, делегација од Државниот завод за статистика предводена од директорот, доц.д-р Дејан Станков, учествуваше на конференција од високо ниво „Проширување на ЕУ – улогата на споредлива и веродостојна официјална статистика“, која се одржа во Бургас, Република Бугарија. На конференцијата учествуваа директорката на статистичкиот завод на Европската Унија, г-ѓа Мариана Коцева, како и директорите на статистичките заводи на Словенија, Хрватска, Бугарија, Романија, Полска, Грција, земјите од проширувањето и претставници на Фондот за население на Обединетите Нации.
Дискусиите се фокусираа на некои од најважните теми за иднината на европската интеграција, вклучувајќи:
- Предизвиците и можностите на проширувањето на ЕУ.
- Зајакнување на комуницирањето на официјалната статистика.
- Искористување на нови извори на податоци за креирање политики засновани на докази.
- Улогата на партнерското оценување (peer review) во обезбедувањето квалитет, независност и доверба.
Веродостојните и споредливи статистики не се само бројки – тие се основа на информирани одлуки, меѓусебна доверба и напредок на патот кон ЕУ.
Конференцијата беше одличен форум за размена на идеи во рамките на меѓународната соработка за зајакнување на Европскиот статистички систем и поддршка на процесот на проширување.
Фото галерија
Поврзани вести и соопштенија
Состанок со Факултетот за безбедност за утврдување на можностите за идна соработка
Директорот на Заводот, д-р Дејан Станков, ја изрази подготвеноста на Заводот за соработка со Факултетот за безбедност, особено што еден од приоритетите на Заводот е унапредување и зголемување на обемот на соработката со академската заедница
14 фев. 2025
Прв состанок на Управниот комитет на твининг-проектот „Подобрување на квалитетот и опфатот на статистиките за животната средина и здравствените статистики“
Проектот е финансиран од Европската Унија (ЕУ) и е заеднички имплементиран од страна на ДЗС и Италијанскиот национален институт за статистика (Istat), во партнерство со Конзорциумот за информациски системи (Consorzio per il Sistema Informativo – CSI Piemonte), Агенцијата за енергетски услуги (Gestore Servizi Energetici – GSE) и Италијанското географско друштво (Società Geografica Italiana – SGI)
06 фев. 2025
Билатерална посета и продлабочување на партнерството со Шведската статистика
Билатералната долгогодишна и ефективна соработка помеѓу двете институции, поддржана од Шведската агенција за меѓународна соработка и развој (SIDA), има долгогодишна историја и се развиваше низ пет клучни фази.
24 јан. 2025
Потпишан Меморандум за соработка помеѓу Државниот завод за статистика и Комората на сметководители
Меморандумот ќе овозможи подобра координација помеѓу двете институции, организирање на заеднички настани со акцент на усогласувањето на статистичките и сметководствени прописи и стандарди, како и на поддршката во процесот на квалитетно финансиското известување, со цел добивање точни, прецизни и сеопфатни податоци што се предмет на статистичка анализа.
17 јан. 2025
Државниот завод за статистика и Министерството за енергетика, рударство и минерални суровини потпишаа Меморандум за соработка
Двете институции ќе соработуваат во согласност со законските рамки и заеднички утврдените потреби, преку одржување на заеднички состаноци, присуство на конференции и учество на обуки и курсеви, организирани од едната или другата страна.
15 јан. 2025