Popullsia

Statistikat e popullsisë i referohen të dhënave numerike për popullsinë që është subjekt i monitorimit dhe shërben për ndjekjen dhe analizën e ndryshimeve demografike dhe sociale dhe arsyet që ndikojnë në ndryshimet strukturore të popullsisë. 

Ndryshimet në strukturën e popullsisë ndodhin gjithmonë si rezultat i ndikimit të drejtpërdrejtë të lëvizjes natyrore (natalitet dhe mortalitet) dhe lëvizjes mekanike të popullsisë (migrimet). 

Burimet e të dhënave të popullsisë janë regjistrimet e bëra në vitet 1921, 1931, 1948, 1953, 1961, 1971, 1981, 1991, 1994, 2022 dhe 2021, sipas metodologjive dhe formularëve unike, në të gjitha rajonet e regjistrimit. 

Numri i popullsisë në mes të vitit përllogaritet në bazë të rezultateve të regjistrimeve të popullsisë dhe të dhënave për shtimin natyror, ndërsa në të dhënat nga viti 1992 e këndej përfshihet edhe shtimi mekanik. 
Evidenca e ngjarjeve vitale mund të përkufizohen si evidentim i një personi (individi) që nga lindja deri në fund të jetës së tij, duke përfshirë ndryshimet në statusin personal të atij personi, gjendjen e tij civile dhe martesore. 

Migrimi drejtpërdrejt ndikon në rritjen ose uljen e numrit të popullsisë. Në të njëjtën kohë, me ndryshimin e gjendjes numerike të popullsisë ndryshon edhe struktura moshore-gjinore e popullsisë, e cila në mënyrë indirekte ndikon në intensitetin e lëvizjes natyrore të popullsisë. 

Duke filluar nga viti 2004, Enti Shtetëror i Statistikës aplikon metodologjinë e paraqitjes së të dhënave për ngjarjet vitale, ku në numrin e përgjithshëm të rasteve vitale përfshihen vetëm ngjarjet që ndodhin në Republikën e Maqedonisë. Në bazë të kësaj metodologjie, përllogariten edhe të gjithë treguesit që lidhen me ngjarjet vitale.